ЗАВХАН АЙМГИЙН ТОСОНЦЭНГЭЛ СУМ ДАХЬ СУМ ДУНДЫН ШҮҮХ байгууллагдсаны 60 жилийн ойг угтан үзэсгэлэнт болгогч хэмээх усан туулай жилийн сар шинийн баярыг тохиолдуулан шүүгч, ажилтнуудын дунд "Морь уралдуулах”, "Үүчүүр тоглох”, "Үндэсний хувцас” шалгаруулах гэсэн гурван төрлөөр хөгжөөнт тэмцээн зохион байгууллаа.
Уг тэмцээнд нийт шүүгч, ажилтнууд 4 багт хуваагдан өрсөлдөж,амжилттай оролцож "Морь уралдуулах” тэмцээнд мэдээлэл лавлагааны мэргэжилтэн Н.Энхцэцэг ахлагчтай баг, "Хөзөр”-ийн тэмцээнд ерөнхий шүүгчийн туслах Б.Энхриймаа ахлагчтай баг, "Үндэсний хувцас” шалгаруулах тэмцээнд галч Л.Очирбат, эвлэрүүлэн зуучлагч Б.Алтансолонго нар шалгарч өргөмжлөл, үнэ бүхий зүйлээр шагнагдлаа. Ийнхүү хамт олноороо нэгэн өдрийг хөгжилтэй, дурсамж дүүрэн өнгөрүүллээ.
