Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
9-01-2018, 09:33   Хэсэг: Мэдээ мэдээлэл   Сэтгэгдэл: 0  

Шүүхийн ерөнхий зөвлөлийн ажлын албаны тайланг хэлэлцэв


Шүүхийн ерөнхий зөвлөлийн ажлын албаны тайланг хэлэлцэв

Монгол Улсын Шүүхийн ерөнхий зөвлөлийн дарга, гишүүдэд Ажлын алба 2017 онд хийсэн ажлын тайлангаа өнгөрсөн баасан гаригт (2018.01.05)-т танилцууллаа. Тайлангийн хуралд Шүүхийн ерөнхий зөвлөлийн дарга Н.Лүндэндорж, гишүүн О.Зандраа, Д.Эрдэнэчулуун, П.Батсайхан, В.Оюумаа болон Гүйцэтгэх нарийн бичгийн дарга Т.Мэндсайхан, ажлын албаны нийт нэгжүүд оролцож өнгөрсөн оны тайлан, 2018 оны төлөвлөгөөгөө хэлэлцэв.

 

Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан "Ажлын алба 2017 онд 9 зорилт тавьж, нийт 227 чиглэлийн ажил төлөвлөсний 80.3 хувийг нь биелүүлж ажиллалаа” хэмээн онцлоод, шүүхийн үйлчилгээний соёлыг төлөвшүүлэх, хэргийн хөдөлгөөний удирдлагыг сайжруулах, шүүхийн хараат бус, аюулгүй байдлыг хангах чиглэлээр хийсэн ажлуудаа товч танилцуулсан юм.


Нэгжийн дарга нар газар, хэлтсийнхээ 2017 онд хийсэн онцлох ажлыг танилцуулсаны дараа Шүүхийн ерөнхий зөвлөлийн дарга, Шинжлэх Ухааны Гавьяат зүтгэлтэн, профессор Н.Лүндэндорж саналаа хэллээ. Тэрбээр "Тухайн жилд хийсэн ажлаа дүгнэх нь ирэх жилийн өнгийг харуулдаг” гээд шүүхийн үйлчилгээний соёлыг бүрдүүлсэн, хэргийн хөдөлгөөний удирдлагыг сайжруулах чиглэлээр шүүгчдийн зөвлөгөөнөөс тогтоосон хэрэг хуваарилах журмын хэрэгжилтэд иж бүрэн мониторинг хийж, зөвлөмж хүргүүлсэн, "Шүүхэд итгэх иргэдийн итгэл” судалгааг орон даяар авч, дүн шинжилгээ хийсэн нь 2017 оны онцлох ажил гэж тодотгов.

 

Мөн Шүүхийн мэргэшлийн хороо, Хэвлэл мэдээлэл, олон нийттэй харилцах хэлтэс, Мэдээлэл технологийн хэлтэст "ажил нь тогтсон”, Шүүхийн төрөлжсөн архивт "эхлэл сайн”, бусад нэгжүүдэд "хүлээлттэй” гэдэг тус тусын үнэлгээг өгч байгаагаа тайлбарласан юм.

Шүүхийн ерөнхий зөвлөлийн ажлын албаны тайланг хэлэлцэв 

Хэлэлцүүлгийн төгсгөлд 2018 онд Шүүхийн ерөнхий зөвлөлийн ажлын алба дотоод сургалтаар ажилтнуудын ур чадварыг дээшлүүлэх, иргэдээс авсан санал асуулгын судалгааны дүнд тулгуурлаж, Шүүхийн ерөнхий зөвлөлөөс баталсан стратегийн хөтөлбөрүүдтэй уялдуулж ажлаа төлөвлөх чиглэл өглөө.

 

 

Шүүхийн хэвлэл мэдээлэл, олон нийттэй харилцах хэлтэс


Нийтэлсэн court_toson   Үзсэн: 106   |   Сэтгэгдэл: 0
ХЭВЛЭХ
Төсөөтэй мэдээлэл:
Иргэн танд




Санал асуулга
 

Ярилцлага

Шүүхийн талаарх мэдээллийг хаанаас авдаг вэ?

Телевиз
Сонин
Интернет
Олон нийт

 
 
Хандалт
  |  
«    Аравдугаар сар 2018    »
ДаМяЛхаПүБаБямНям
1234567
891011121314
15161718192021
22232425262728
293031