Дэлхийн олон улсад тархаад буй COVID 19 /шинэ коронавирус/-ын халдварын тохиолдол манай улсад бүртгэгдсэнтэй холбогдуулж халдварын тархалтыг газар авахаас урьдчилан сэргийлэх зорилгоор Завхан аймгийн Тосонцэнгэл сум дахь сум дундын шүүх нь 2020 оны 03 дугаар сарын 09-ний өдрөөс 3 дугаар сарын 16-ны өдрүүдэд зарлагдсан шүүх хуралдаануудыг хойшлуулж, нэхэмжлэл, гомдол, хүсэлт зэргийг биечлэн хүлээн авахгүй байх зэргээр үйл ажиллагаагаа тодорхой хугацаагаар хэсэгчлэн хязгаарлах шаардлага тулгараад байна.
Иймд шүүхээр үйлчлүүлж буй иргэдийг шүүхийн байранд олноор нь нэвтрүүлэх боломжгүй тухайн нөхцөл байдалд хүндэтгэлтэй хандаж өөрийгөө болон бусдын эрүүл мэндийг сахин хамгаалахад хамтран ажиллана уу.
Иргэд, үйлчлүүлэгч нарын зүгээс шүүхийн үйл ажиллагаа, нэхэмжлэл, хүсэлт, гомдол, хэрэг хуваарилалт, шүүх хуралдааны зар, тойм зэрэгтэй холбоотой тодруулах зүйл байвал шүүхийн захиргааны ажилтнуудтай утсаар холбогдоно уу.
Завхан аймгийн Тосонцэнгэл сум дахь сум дундын шүүх: /70468075, 70468005/
Шүүхийн мэдээлэл лавлагааны алба /70468081, 99735152/
Завхан аймгийн Тосонцэнгэл сум дахь сум дундын шүүхийн тамгын газар
