Монголын шүүхийн захиргааны ажилтны холбооноос шүүхийн захиргааны байгууллагад олон жил үр бүтээлтэй ажиллаж, шударга ёсны үйлчилгээг иргэдэд хүртээмжтэй хүргэх, шүүх таслах ажлыг хэвийн явуулах нөхцөлийг хангах, шүүхэд итгэх иргэдийн итгэлийг бэхжүүлэх үйлсэд хамт олноо манлайлан амжилт гаргасныг үнэлж, шүүхийн тамгын газар, салбар хороо хамт олны саналыг үндэслэн "2020 оны шүүхийн захиргааны тэргүүний ажилтан”–аар тус шүүхийн тамгын газрын Мэдээлэл лавлагааны мэргэжилтэн Н.Энхцэцэгийг шалгаруулж өргөмжлөл мөнгөн шагналаар шагнасныг нийт хамт олны өмнө гардууллаа.
