Шүүгч томилолтоор ажиллах нийтлэг журамд заасны дагуу Баянзүрх дүүргийн Иргэний хэргийн анхан шатны шүүхээс шүүгч томилолтоор авч ажиллуулах саналаа Шүүхийн ерөнхий зөвлөлд ирүүлсэн байна.

Иймд тус шүүхэд томилолтоор ажиллах хүсэлтэй шүүгчид 2019 оны 06 дугаар сарын 04-ний өдрийг дуустал хугацаанд Шүүхийн ерөнхий зөвлөлд хүсэлтээ ирүүлнэ үү.

Шүүгч томилолтоор авч ажиллуулах санал ирүүлсэн шүүх

Томилолтоор ажиллах шүүгч тухайн орон нутагт амьдрах байр, орон сууцаа өөрөө хариуцах бөгөөд шүүгчийн ирэх, буцах нэг удаагийн замын зардлыг Шүүхийн ерөнхий зөвлөл олгоно /Гэр бүлийн гишүүд хамаарахгүй/. Шүүгч томилолтоор ажиллах хугацаанд томилолтын зардал олгохгүй бөгөөд түүний цалин хөлс, бусад олговрыг томилогдсон шүүхийн тамгын газар хариуцна.

Томилолтоор ажиллах хүсэлтэй шүүгч дараах материалыг бүрдүүлнэ.

1. Томилолтоор ажиллах тухай хүсэлт;

2. Шүүгчдийн зөвлөгөөний шийдвэр.

Шүүгч томилолтоор ажиллахтай холбоотой асуудлаар Шүүхийн хүний нөөцийн удирдлага, бодлого зохицуулалтын газрын 70008022, 88182857 утсаар дэлгэрэнгүй мэдээлэл авна уу.

ШҮҮХИЙН ЕРӨНХИЙ ЗӨВЛӨЛ